zbogom

[Ukupno:0    Prosječno:0/5]

 

 

Tako silazim, gospojo, Stubama tvojega grada.

Adieu Vladimir Vidrić

 

 

 

oblaki su se rastrgli kak firungi

i farbu su modorzeleno stidlivu

lepu kak z dragih kamenih na ringi

fkrali z tvoga joka i naredili vidlivu

 

a ti f oprave prozirne tela kak vila

bežiš k meni i bleščiš kak kres

rasprla si roke baš kak tica krila

lačna mojih čuba i vesela kak pes

 

su mi soze motne joke zamusale

i nis ništ videl sam tebe kak senju

iz daleč so trobe z brega zaigrale

 

tožni zvoki k meni se fletno penju

z vetrom kaj blage mi soze z joka smudi

došel je beteg za tebom i bil je tak hudi

Posted by dudo

Imam prek pedeset pet let al si nebi dal tulike. Škole sem išel f Križevcih a univerze f Agramu. Radnega staža imam i kak novinar, pak sem i vinoteku držal, i u vojnu sem ko dragovolec otišel, pak sem posle toga i na zavodu male bil. Zajdnje vreme sam vu odnosima z javnosti. Bi po naški rekli: blefer. Pišem fajn godina, ali za po doma. Me bile sram, kaj bi ljudi rekli da to vide. Sad si gruntam, pod stare dane, morti to ipak ni za hititi. Pak sem totu !

This article has 3 comments

Odgovori

Ova web-stranica koristi Akismet za zaštitu protiv spama. Saznajte kako se obrađuju podaci komentara.

Subscribe without commenting