[Ukupno:0    Prosječno:0/5]
Ako svit ni ča je prije bi,
svit se je skroz pokvori
(Tako baren govoru)
Onda sve gre na mod dijavla
Ako ne možeš čut ni vidit niš ča je šesno i lipo
Onda sve je šlo
(Ne govori mi niš)
Na mod dijavla

Ako ne moreš ni naprid ni nazad
Ni tornat se ni poć
Ni fermat se i nazad doć
Onda sve gre na mod dijavla

Ako se parí da se je sve odjedonput zgubilo
(Ako je kad ča i bilo)
Pa mi se čini
Kaj da je sve lipo pasalo
Kaj da se sve dobro pofrajalo
A ostalo je samo ono ča se zove:
Na mod dijavla

Morebit misliš da ćemo proć lišo
Ča ti se onda čini?
Ako šenpre pensaš
Kaj da ti je sve crno
Kaj da je sve na mod dijavla
Onda znon da je svit pošenpijo
Okrenu se zgorkopiton
Šalto na drugu bondu

I ako gledan, a ne razumin
Onda je sve ovo
Ki zno ča
(Oćemo porefat ?)
Šlo na mod dijavla

Autor drgligora

Rođen u Pagu. Završio Filozofski fakultet u Zadru. Doktorirao na Filolozofskom fakultetu u Zagrebu. Poslodavac HRT.

Ova objava ima 2 komentara

  1. Da. Štos je u tome da ovdje imamo dva, ili tri značenja: dijaval je glavni krivac za sve, a istovremeno postoji i ta čakavska fraza: “na mod dijavla”, koja zapravo znači – raditi nešto naopako, izvrnuto, nešesno… A, ako ćemo pretjerivat, možemo naći i treći sloj: ironija na stalno gunđanje starijih da je prije bilo sve ljepše nego danas. A za to je kriv, zna se tko! Dijalekt opet svemu tome daje, ili bi trebao davati, neku posebnu izražajnost, u čemu ima i humora i nostalgije.

Odgovori

Subscribe without commenting