fest spotiho privlekla se jesen

[Ukupno:0    Prosječno:0/5]

sonce se jutri zgubilo vu megli

bilo je tiho kak da su si pobegli

snena je rosa po travi polegla

meni je od toge reč f grlu zabegla

 

zajdnji so dnevi teplega leta

gda sme na kolenih prešli mesta sveta

prosili kumili i za roke vlekli

krajcere žicali kak nori i kak stekli

 

pak su noći mrzle i ništ ne pomore

ni celo leto prošnje i hude pokore

ni ono male kaj sme f nedra komaj skrili

ni spomenak na one kaj su nam dobri bili

 

kak da mi je f duši hmrl zajdni pelcer

zlatnega cveta kaj blešći kakti krajcer

pak bogec se navek straši od zime

gda led se za se i sakoga prime

Odgovori

Ova web-stranica koristi Akismet za zaštitu protiv spama. Saznajte kako se obrađuju podaci komentara.

Subscribe without commenting